poezii makedonia

Lil gjilja, poezija
Chib: romane hem makedonski
Štampigja o: Internacionalno centar literaturakje, čhibjakje taj i kultura e Romengiri - Makedonija
Skopje, 2009 b.
Republika Makedonija
O lil isile 44 riga
CIP

So šaj te ovel ko hen paše vakti e narodoncar, e nacijencar, e familijaja, e generacijencar, e civilizacijaja kji planeta Phuv, tano lajt motivi ko akava lil, kova barem kji jek dakjika, e manuše so gjilavkjerela o lil ka terinelle korkori pes te pučel, kotej tano, hem kote ingalela akava " korkoro " izbirimo drom...
O Roma sar narodo "hebedi nasine ko jekhipeskoro anglunipe e civilizacijencar", pa agjahar ola sade platingje o ceho e anglunipaskoro hem e peribnaskoro e državengoro taj e civilizaciengoro živindor stalno " KO FR’FRI KOTAR KO ĐŽIVDIPE E SUVJAKJE ".
Dali o manušikano fikjiri taj i godin delebor ekonomsko hem socijalno čoroljogjovela, so stalno rodela hem lela o polokho iracionalno modusi đživdipaskje hem poimibe baši peskje…šaj adavaj talo kaj o vakti, i civilizacija o đživdipe tano prepherdo pa adoleskje mukjena "korkori" te ovel izbiribe hem thabljojbe e pobut kotorvaleskjiri demokratija hem sloboda, ali kji adaja demokratija o manuš Rom, šaj te preživinel sade ako ulo…


Fragment

Panda jek

Dobingjum o ismarlako
O planiribe sine naturalno bijandipe,
a na carsko rezi
A akana đža kji buti
k'da i parni m'gla degštringja o pravco
Vakjergje tujnan mi jazija a i parni čizgjija
iklili angla mande
panda jek had'mi na resela,
i khan e gjulengjiri thargja o pupkje
e čerenjengjere,
sar peljardo tataj parni mol, ko asfalti
o tabanja...Korenja


Kurtalibe

Palem kurtalibe, o kalugjeri
ko parno mantili vakjerela
-Adaja tani amari buti!
Akanajnem našavde vogja ko degšt'ribe,
a e Trojakjere peravde tane o parne zigja, o kodi
an amende tano
za te na šunljol o hango e Patar Paneskoro
pučindor pes,
sar ovelape thagar!
Akanajnem našavde vudđžutija kji pravda e parne čhareskje
angla ko fr'fri kotar i žarojme suv e parne iluminacijakoro
kotar adaja rig e čizgijatar... Našavde

**
Sar te pokjinav mo harčl'ko
o parno biro registririnda man e čopore mačkjencar
Akana, manuš sar manuš, sar te avav jek ka jek mancar
hem e situacijaja kolate so aljum
soskje o saati merinela akava bi merimo toumi
a kova tano o čačipe adale vakti khujbaskoro
Kotar ko čhar ko čhar nakjheja hangoja kova
na ačhola...
Vakjerela mangje, hule kotar ko fr'f'ri e
suvjakje... Muleja

**
Ako vozineja upra ko parnipe e bulutengje
Manušeja!
Mora te hule kji Phuv
I thagarutni e sunengjiri rodela tut
O {erand tukje haz'ri, o parne lulugja phravdile
O nahtari kotar ko udara ud`arela tut
Manu{eja,
k'da ujraja, k'da marejatut e bilačhencar...
Tujnan mi familija, nane te hovav tut
U{ti hari
Tele, tele ujraja, o ostro agor ko ilo ka
posaveltut,

a tujnan mri familija... Toumi